Die Hoërskool Jim Fouché is besig met die bekendstelling van ‘n nuwe effektiewe vorm van kommunikasie, genaamd die Skoolkommunikeerder.

U ontvang ‘n CD met die program se sagteware.  Plaas die CD in u rekenaar.  Die program sal outomaties op u intreeblad (“desktop”) gestoor word.  U kan selfs die program op verskillende rekenaars installeer.  U kan ook die program aflaai van www.school-communicator.com.

Die skool sal inligting daarop plaas, wat dan outomaties op u “kommunikeerder” sal verskyn.  Elke dag as u u rekenaar aanskakel en op die internet ingaan, sal die ”kommunikeerder” nuus, kalendergebeure, foto’s, kontakte en bronne oplaai waarop u kan kliek en lees.

Aanvanklik is dit belangrik dat u u “kommunikeerder” verpersoonlik, deur op “VERPERSOONLIK” te kliek en in die relevante blokkie te kliek.  Dit is baie verbruikersvriendelik. 

Voltooi die “BESONDERHEDE” volledig.  Onthou om dit te verander indien enige inligting verander!